ТАМАК-АШТАН УУЛАНУУНУН АЛДЫН АЛУУ БОЮНЧА РЕЙД ЖҮРГҮЗҮЛДҮ

Бүгүн, 18-ноябрда, Баткен облустук санитардык - эпидемиологиялык көзөмөлдөө борборунун кызматкерлери, УТРК Баткен телеканалынын журналисттери менен биргеликте тамак-аш коопсуздугун алдын алуу максатында тамак-аштан уулануунун алдын алуу боюнча телерейдке чыгышты.

Телерейд КРнын Президентинин Баткен облусундагы ыйгарым укуктуу өкүлү менен мэрдин протоколдук тапшырмаларынын алкагында жүргүзүлдү.

Рейддин алкагында М.Нургазиев көчөсүндөгү тамак-аш саткан жайлар, кафе жана тез татым түйүндөрү текшерилди.

Текшерүүнүн жүрүшүндө бир катар кемчиликтер аныкталып, ишкерлерге аны жоюу боюнча мөөнөттөр белгиленди.

Белгиленген мөөнөттө талаптар аткарылбаса, тиешелүү мыйзамдардын негизинде чаралар көрүлөрү эскертилди.