Жаңы дайындоо!

Баткен шаарынын мэриясынын аппарат жетекчиси болуп Бегалиев Мамасалы Сатыбалдыевич дайындалды. Тиешелүү буйрукка Баткен шаарынын мэри Бурканов Имамназар Апызович кол койгон.

Бегалиев Мамасалы Сатыбалдыевич 1970-жылдын 23-мартында Баткен районуна караштуу Кан айылында төрөлгөн.

Ал 1988-жылдан 1989-жылга чейин Советтик Армиянын катарында кызмат өтөгөн.

Жогорку билимдүү. 1993-жылы СССРдин 60 жылдыгы атындагы Кыргыз Улуттук Мамлекеттик Университетин аяктаган.

Алгачкы эмгек жолун 1993-жылы Баткендеги В.И.Ленин атындагы орто мектепте тарых мугалими болуп баштаган.

1996-жылдан 1997-жылга чейин Баткен райондук мамлекеттик администрацияда референт болуп иштеген;

1997-жылдан 2000-жылга чейин Баткен райондук Билим берүү бөлүмүндө кадырлар кызматынын инспектору;

2000-жылдан 2001-жылга чейин Баткен облустук мамлекеттик администрациясынын алдындагы жаштар иши боюнча департаментинин башчысы;

2001-жылдан 2003-жылга чейин Баткен облустук мамлекеттик администрациясынын социалдык-маданий бөлүмүнүн жетекчиси;

2003-жылдан 2004-чейин Баткен облустук социалдык-маданият башкармалыгында башкы адис;

2004-жылдан 2006-жылга чейин Баткен облустук туризм, спорт жана жаштар саясаты департаментинин башчысы.

2006-жылдан 2009-жылга чейин Миграция жана иш менен камсыз кылуу боюнча комитетинин координатору;

2009-жылдан 2011-жылга чейин Баткен шаарынын мэриясында өнөр жай, курулуш жана айыл чарба секторунун башчысы.

2014-жылдын март айынан 2014-жылдын октябрь айына чейин Баткен шаарынын мэриясынын социалдык-маданий өнүктүрүү секторунун башчысы;

2023-жылдын ноябрь айына чейин Баткен облусунун дене тарбия жана спорт башкармалыгында башкы адис болуп иштеген.

Үй бүлөлүү, бир уул, бир кыздын атасы